ສູນທົດລອງກະສິກຳ ບາຈຽງ - Bajiang Agricultural Experiment Center

ສູນ​ທົດ​ລອງ​ກະ​ສິກຳແບບ​ປະ​ສົມ​ປະ​ສານ ​ບາ​ຈຽງ​ ຕັ້ງ​ຢູ່​ ບ້ານໜອງສິມ​, ເມືອງ​ບາ​ຈຽງ​ຈະ​ເລີນ​ສຸກ ​ແຂວງ ຈຳປາ​ສັກ​, ມີ​ເນື້ອ​ທີ່​ທັງໝົດ 4 ເຮັກ​ຕາ​, ມີ​ຄວາມ​ສູງ​ຈາກ​ລະ​ດັບໜ້ານ້ຳທະ​ເລ 600 ແມັດ​ຂື້ນ​ເມືອ​. ສ້າງ​ຕັ້ງ​ຂື້ນ​ໃນ​ປີ 2011 ໂດຍ​ການ​ຮ່ວມ​ມື​ດ້ານ​ວິ​ຊາ​ການ ​ລະ​ຫວ່າງ​ມະ​ຫາ​ວິ​ທະ​ຍາ​ໄລ ຈຳປາ​ສັກ​ແລະ ​ມະ​ຫາ​ວິ​ທະ​ຍາ​ໄລ ​ອຸ​ບົນ​ລາດ​ສະ​ທາ​ນີ (ປະ​ເທດ​ໄທ​) ພາຍ​ໃຕ້​ທືນ​ການ​ກໍ່​ສ້າງ​ໂຄງ​ລ່າງ​ພື້ນ​ຖານ​ຈາກ​ສູນ​ການ​ພັດ​ທະ​ນາ​ການ​ຮ່ວມ​ມື​ດ້ານ​ວິ​ຊາ​ການ​ລະ​ຫວ່າງ​ປະ​ເທດ​ຂອງ​ປະ​ເທດ​ໄທ ​ເປັນ​ສູນ​ທົດ​ລອງ​ການ​ຜະ​ລິດ ​ປະ​ເພດ​ໄມ້​ໃຫ້ໝາກ ແລະ ​ແນວ​ພັນ​ພືດ​, ວິ​ທີ​ການ ກຳຈັດ​ສັດ​ຕູ​ພືດ​, ປູກ ​ແລະ​ ອະ​ນຸ​ລັກ​ແນວ​ພັນ​ໄມ້​ພື້ນ​ເມືອງ ​ແລະ ດຳເນີນ​ການ​ຄົ້ນ​ຄວ້າ​ທົດ​ລອງ​ການ​ປູກ​ພືດ​ຜັກ​, ໝາ​ກ​ແຕງ​, ໝາກຖົ່ວ​, ສາ​ລີ​ແລະ​ ໄມ້​ໃຫ້ໝາກຊະ​ນິດ​ຕ່າງໆ​. ພ້ອມ​ທັງ​ປູກ​ເປັນ​ສູນ​ບໍ​ລິ​ການ​ທາງ​ດ້ານ​ເຕັກ​ນິກ ​ແລະ ​ການ​ຝຶກ​ອົບ​ຮົມ​ວິ​ຊາ​ການ​ໃຫ້​ແກ່​ນັກ​ສືກ​ສາ ​ແລະ ​ຊາວ​ກະ​ສິ​ກອນ​ໃນ​ບັນ​ດາ​ເມືອງ​ອ້ອມ​ຂ້າງ​.